Xaneiro en 5° de EI

De volta ao cole, introducímonos na estación do inverno a través da arte e do grafismo, realizando unha paisaxe invernal con puntos controlados, liñas horizontais, verticais e cruzadas.

A arte tamén pode ser multisensorial, a través destas acuarelas de xeo.

Un punto moi importante na nosa dinámica escolar é o traballo da psicomotricidade fina, que nos prepara para a escritura e outras tarefas do día a día.

Espertando a parte do tacto e a noción do esquema corporal, elaboramos bonecos de neve con artoz, unha experiencia moi divertida!

Unha parte fundamental deste mes foi o traballo da lóxica e dos conceptos matemáticos. Como novidade introducimos o uso do robot, unha actividade motivadora que require interiorizar habilidades lóxicas e espaciais, como dereita e esquerda, arriba e abaixo, contar...

Tamén incluimos o traballo con seriacións e introducímonos nas cantidades e nas sumas con materiais manipulativos e cos xogos de mesa.

A lectura é unha parte moi importante da nosa rutina diaria e semanal, así que visitamos a biblioteca do centro todas as semanas, adquirindo ademáis normas como estar en silencio e devolver os libros ao seu estante correspondente.

Para rematar este mes, no centro elaboramos para a conmemoración da Paz 🕊️ un mural con contos que traten valores relacionados coa paz; así que nós eliximos "Por cuatro esquinitas de nada", un conto precioso e sinxelo que trata a inclusión, o respecto e a solidariedade. 

Quedounos precioso! 🤍✨