Brincando no Sequelo

 Boa tarde familias! Velaquí vos deixamos algunhas das propostas que realizamos esta semana: vidreiras de medo, series terroríficas, debuxos con personaxes inventadas de samaín (aos que lles creamos nomes)…  Tamén realizamos un obradoiro de consumo responsable sobre os desfraces de samaín, comprendendo a importancia de reciclar e reutilizar, e mais identificar se son seguros ou non mediante as etiquetas.  Ademais visitounos a nai de Ivó estes días, e os dous contáronnos un contiño moi chulo! 

 Boas tardes familias, este mes só tivemos un aniversario e celebrámolo como podedes ver: 

 Boa tarde familias! Aquí vos deixamos unhas fotiños dalgunhas cousas que fixemos estas semanas:  creamos follas con masa de modelar e aprendimos o nome deste material! (ao principio custounos un pouquiño e saíanos chamarlle “arcilla”, “ardilla”, “morcilla”… pero rápido aprendimos), debullamos millo e xogamos moito! Esta semana interesounos moito crear torres altísimas! E tamén nos divertimos cun xogo chulísimo que nos trouxo Lucía🧡

👻🎃Boas tardes familias! O alumnado de Infantil B,  comezamos con actividades propias do samaín, decoloramos arroz, xogamos a clasificar as arañas segundo o número, decoramos cabazas, monstros e pantasmas e moitas máis actividades de dita celebración. Nestes días iremos colgando máis actividades terroríficas que tanto nos gustan. 

 Boa tarde familias!  Esta semana na aula de infantil A fixemos varias propostas de actividades: xogamos ao lince traballando a atención visual, na PDI a memoria auditiva, con tarxetas de palabras de outono compoñéndoas con letras móbiles… tamén visitamos a biblioteca de centro e limos contos na biblio da aula. E hoxe empregamos as miniaturas das rutinas da aula (que utilizamos para pasar lista e saber quen é encargada ou encargado) xunto coas letras de madeira para facer un xogo: tiñamos que situar a cada compi ao lado da súa inicial, asociando o son co grafema. 

 Hoxe fixemos un recopilatorio dos aniversarios que tiveron lugar en verano e no mes de setembro! Parabéns!!🎂

 Comeza unha aventura para a clase de infantil B! Así foron os primeiros días de cole:

 Bo día! Na aula de infantil A, estivemos facendo moitas cousiñas estes días. No primeiro día de escola fixemos moitos xogos no patio xunto cos demais nenos e nenas do cole: transportamos un ovo nunha culler tentando que non caera, camiñamos cos zancos, xogamos aos aros…  Ademais este ano puxemos en marcha a entrada amable, onde as nenas e nenos ao chegar á aula poden escoller de entre as propostas diarias a que máis lle guste. Isto permite que estean máis relaxadas e relaxados e traballen distintos aspectos en base aos intereses ou necesidades persoais: debuxando, construído, trasvasando obxectos, xogando coas letras… aumentando os periodos de atención.  Estreamos as nosas bandexas e tapetes coas propostas, que foron un éxito!