🚀Universo e aniversarios do mes (Inf A)

 Ola, familias! 

Estes días continuamos a investigar sobre o universo: o sistema solar, as constelacións, os movementos do noso planeta e as súas capas… 



Recreamos a terra con discos de algodón que pintamos de azul e verde empregando pipetas, consultamos libros que trouxeron os compis con moita información, descubrimos imaxes sobre o universo co proxector…



Realizamos un obradoiro de filloas para rematar o entroido 2024, coa profe Belén. Non quedou nin unha!!

Tamén lembramos a Rosalía de Castro no seu día, rememorando a súa vida e escribindo unha parte do seu poema “ Parece unha rosa”. Despois decoramos unha imaxe da escritora e decoramos o cabelo coa súa flor favorita: o pensamento.

Ademais festexamos o aniversario de Arya, que xa ten 5 anos!! Moitísimos parabéns, querémoste🧡



Comentarios

Publicar un comentario

Entradas populares de este blog

Nadal en infantil A🎄

Imagen
 Boa tarde familias! Aquí vos deixamos imaxes dalgunhas cousiñas que fixemos na escola: a saída no tren de nadal polas rúas de marín, a visita á biblioteca municipal para a videoconferencia con Papá Noel (onde lle fixemos preguntas e falamos un pouco con él)… Na aula sensorial pasámolo xenial: desfrutamos cos provocación de nadal xogando coa árbore e os adornos, nas mesas de luz colocando contas translúcidas nas plantillas, insertando contas de cores nos limpiapipas, nas mesas sensoriais clasificando pezas de madeira ou xogando e trasvasando…  E tamén artisteamos moito cos retos que nos propuxo o elfo Noel!: decoramos galletas de xenxibre coas nosas caras, fixemos adornos de nadal con masa de modelar, postais para as nenas e nenos da EEI O Grupo, puxemos as nosas fotos na porta tan chula que nos decorou a Anpa… e hoxe tomamos unha foto coa nosa árbore de nadal e o elfo para despedirnos del.  Ah! E celebramos os aniversarios dos compis Yoel, Lola e Axel, que cumpliron 5 anos!! Moitímos
Ler máis »

Últimas semanas en infantil A

Imagen
 Boa tarde familias, Temos moito que ensinarvos destes días! No mes de xaneiro celebramos os aniversarios de Nicolás e mais Enzo, que cumpriron 5 anos. Querémosvos, compis!🧡 Tamén realizamos unha xornada de convivencia coas nenas e nenos da EEI O Grupo, e xogamos no patio, na aula sensorial e mais en psicomotricidade. Continuamos a investigar sobre o universo, en especial sobre a nosa galaxia. Limos contos e libros que trouxeron os compis, e no recanto de arte elaboramos as nosas galaxias ben coloridas. Na mesa sensorial buscamos os planetas do sistema solar e colocámolos por orde na plantilla. Tamén visitamos a aula sensorial, e xogamos coa luz no retroproxector con materiais translúcidos, buscamosas miniaturas das  folerpas na mesa sensorial e fixemos parellas axudándonos coa lupa, e experimentamos coa cor empregando auga tinguida e escuma de afeitar. Que ben o pasamos! No día da paz, baixo o lema “Navegando pola paz” pegamos os nosos peixes nos que escribimos palabras que axudan a
Ler máis »

Saída á EEI “O Grupo” e radio escolar

Imagen
 Ola familias!  Hoxe tivemos unha mañá intensa! Estivemos grabando o noso primeiro programa de radio escolar coas nenas e nenos de 4º de primaria. Fomos uns pouquiños, e a próxima semana continuaremos. Pronto poderedes escoitalo!! Despois, puxemos rumbo á escola “O Grupo” e fixemos unha parada no parque para descansar e merendar. Unha vez no cole os compis Axel e Matilda representaron a obra “A qué sabe a lúa”. Fixérono fenomenal!!  Os nenos e nenas de 6º curso tamén leron algúns contos moi chulos, e antes de marchar as e os compis do Grupo preparáronnos unha merenda de froita riquísima! Moitísimas grazas!!
Ler máis »