Chega a primavera! (Inf A)

 Boa tarde, familias!

Chegou a primavera á nosa aula, e aquí tedes algunhas das cousas que estivemos a facer estes días:

Inauguramos a proposta semanal de “Petiscos artísticos”, presentando unha obra de arte relacionada coa temática a traballar, coa que aprenderemos a observar e describir diferentes cadros. Esta semana tocou “Girasoles”, de Van Gogh.

Tamén nos convertemos en pintores e pintoras, recreando con acuarelas os ramos tan bonitos que trouxestes. Fixámonos las formas das flores, as súas cores… e elaboramos os medallóns de primavera empregando masa de modelar e flores.

Ademais, estivemos decorando unha ilustración de Luis Davila empregando a técnica do rasgado de papel. Tedes que vela na nosa biblioteca! Fixémolo tan ben que dende o equipo de biblioteca déronnos un premio! Un libro para pintar mandalas que xa gardamos na nosa maleta da calma, na nosa aula. 

E para rematar ben a semana xogamos no patio coas bandexas sensoriais! Puidemos experimentsr, inventar, ulir, trasvasar… coas flores, auga tinguida con colorante alimenticio, vasos…