Brincando no Sequelo

 Estas semanas continuamos a traballar sobre o proxecto dos animais do bosque. Entre outras cousas, descubrimos as diferentes especies de xabaril, xogamos a emparellar animais coas súas pegadas… tamén elaboramos unha masa con fariña, sal e canela e empregamos elementos de outono e mais as miniaturas dos animais do minimundo para ver as pegadas que deixaban nela.  Fixemos sumas encriptadas, fixándonos nos puntos que “valía” cada animal para realizar a suma correctamente. Comezamos a xogar coas regletas, avanzando pouco a pouco no seu coñecemento: cores, tamaños, equivalencias…  Coas casiñas de números tamén abordamos diversos contidos, recoñecendo distintos números, o anterior e posterior, maior e menor… Tamén montamos a árbore de nadal, estreamos un xogo de relaxación e recibimos a visita da nai de Lucía, que nos visitou para ler varios contos chulísimos! Moitas grazas por pasar este ratiño con nós!!

 Boa tarde! Esta semana fixemos dúas saídas. O martes visitamos o cine Seixo, e visualizamos unha película onde nos ensinaban a importancia de coidar da natureza. Despois merendamos nunha praza próxima e xogamos un pouco no parque antes de volver á escola.  O xoves fomos ao Ceip Carballal, e realizamos dúas receitas mexicanas: fixemos guacamole e quesadillas. Estaba todo riquísimo e non deixamos nada!! Despois xogamos un pouco no patio e tamén nas aulas de infantil. Pasámolo xenial!

 Esta semana conmemoramos o Día Internacional para a Eliminación da Violencia contra as Mulleres. As nenas e nenos de educación infantil prepararon unha obra de teatro baseada no conto “O libro dos porcos”, e representárona ao alumnado de primaria.  Tamén cantamos unha canción coa temática, e falamos moito sobre a importancia de respectarnos e tratarnos ben.

 Boa tarde! Este mes celebramos os aniversarios de Magín e mais Olivia, que cumpliron 5 anos. Parabéns, querémosvos moito!

 Todo o proceso da reciclaxe do papel para a elaboración de marcos de fotos do outono! 

Coa chegada do outono preparamos diversos xogos de lóxicamatemática como series, sopa de outono e traballo de motricidade cosendo o ourizo, debullando o millo e facendo trasvases de lentellas.  

 Ola, familias!  A pasada semana celebramos o Samaín na escola. Xogamos na aula sensorial, fixemos unha merenda terrorífica os nenos e nenas de infantil (moitas grazas pola vosa participación, foi un éxito!) e despois participamos en diversos xogos populares no patio.  Pasámolo fenomenal!! 

 Boa tarde! Hai uns días recibimos a visita da nai de Olivia, que nos trouxo moita información sobre varios animais que viven nos bosques. Falounos do xabaril, o oso, cervo…  Aprendimos moitísimo e pasamos un tempiño xenial! Moitas grazas por vir!!!