Brincando no Sequelo

 Nas últimas semanas incorporamos á nosa aula novos materiais. Entre eles está o calendario de madeira cos meses do ano para as rutinas, e xogos de construcións e pezas soltas, xa que os materiais non estruturados permítennos crear deixando voar a imaxinación e son dos nosos favoritos! Tamén contamos con xogos de mesa coma Postman e na zona de biblioteca incorporamos un sillón para desfrutar aínda máis das nosas lecturas.  No patio continuamos a facer os picnics e xogamos moito coa mesa de experimentación ao aire libre!

 Durante este trimestre realizamos moitas propostas relacionadas coa primavera. Mercamos una casa de insectos que puxemos no patio, fixemos papel plantable con sementes de lavanda e mesmo debuxamos con acuarela un ramo de flores, fixándonos ben nos detalles.  Tamén traballamos a lóxica e lectoescritura con tarxetas de palabras significativas sobre a temática: identificamos a letra que falta,  creamos pulseiras de palabras (coa guía ou sen ela segundo a etapa na que nos atopamos)… Realizamos un microproxecto sobre o caracol, xa que foi o centro de interese durante varios días, e anotamos nun libriño todo o aprendido. Ademais o noso compi André trouxo caracois e observamos a súa anatomía, alimentación… encantounos!!

 Este mes cumpliron anos Sabela e mais André. Festexámolo na aula todos xuntos. Moitísimos parabéns, querémosvos!

Boa tarde, familias! O pasado mércores realizamos a saída de fin de curso á granxa de Serantellos en Cambados e pasámolo xenial!!!  Observamos e alimentamos ás cabras, ovellas, vacas, cerdos, cabalos, patos, tartarugas... e ata fixemos un obradoiro de pan!! O tempo pasou voando e xa temos ganas de repetir!! 

Despois de ler o conto "Colores" de Hervé Tullet realizamos unha proposta artística para xogar e experimentar coas diferentes cores. Mesturamos as cores primarias (azul, amarelo e vermello) e descubrimos as cores secundarias que xurdiron (verde, laranxa e morado). Pasámolo moi ben!!

Iniciámonos na robótica empregando os robots True true e Matata bot. True true permite ser programado de diferentes modos: usando tarxetas con códigos de cores, trazando percorridos para que os siga, empregando o sensor de movemento para "seguir a nosa man"... Matata bot necesita programarse cunha serie de fichas que se situarán no panel de control e serán lidas pola torre de mando para transmitirlle ao robot Matatabot que as execute.

  Boa tarde, familias! Ahí vai unha pequena mostra das propostas que realizamos relacionadas coa estación da primavera: Contamos insectos e relacionamos as cantidades coas súas grafías, xogamos na mesa sensorial cazando insectos coa red con imán, identificamos insectos empregando as tarxetas de vocabulario, facemos debuxos seguindo os pasos das plantillas, afianzamos a motricidade fina compoñendo un arco da vella con pompóns de cores, decoramos bolboretas con flores para as nosas ventás, potenciamos a nosa creatividade realizando tulipáns cun garfo... e moito mais!!

 

 Graciñas Óliver por ensinarnos cousas sobre México!