malia que o tempo parecía máis propio do verán que do outono, na nosa aula xa comezamos a descubrir e experimentar coa nova estación: o outono Pouco a pouco, fomos achegándonos aos seus elementos máis característicos grazas ás achegas das familias, que nos axudaron a encher a aula de follas, pólas e froitos. A través da exploración, puidemos tocar, ulir, observar e comparar diferentes materiais naturais, descubrindo novas texturas e aromas que, pouco a pouco, ían impregnando o noso recuncho do outono. Tamén xogamos coas letras e comezamos a compoñer a palabra OUTONO, achegándonos á linguaxe escrita dun xeito significativo, manipulativo e conectado coas nosas propias experiencias. As nosas pequenas coleccións naturais déronnos a oportunidade de relacionar as follas e as pólas cos seus froitos: piñeiros e piñas, castiñeiros e ourizos, landras… Así, fomos descubrindo algunhas das características das árbores que forman parte da nosa contorna e reflex...
