Brincando no Sequelo

 Boa tarde! Nestes últimos días estivemos a crear os nosos disfraces de entroido. Cada aula fíxoo relacionado co país que está a investigar. Na aula de 6º de EI elaboramos os boubous, traxes típicos de Senegal. Observamos a súa estrutura, cores máis empregadas, formas… e deixamos voar a nosa imaxinación. Traballamos tamén a coordinación ollo-man, prensión, atención e toma de decisións…  E participamos durante toda a semana no mandadiño! Que ben o pasamos!!

 Boa tarde, familias! Este mes cumpliron 6 anos as nosas compis Arya e mais Yasmin. Moitísimos parabéns, querémosvos 🧡

 Novas actividades motivadoras na nosa aula: experimento de como de derrite o xeo, vocabulario de inverno, provocación invernal, neve con espuma, actividades na mesa de luz e patinando cos pingüíns. Todas as actividades parten da curiosidade e interese do noso alumnado favorecendo a experimentación a lóxica matemática, a lectoescritura e coordinación óculo manual.

 Boa tarde! Esta semana afondamos sobre o inverno e, en especial, o noso interese centrouse nos polos e nas auroras polares. Aquí vos deixamos imaxes dalgunhas cousiñas que andivemos a facer. Buscamos o Polo Norte e mais o Polo Sur na bola do mundo, descubrimos como se producen as auroras polares e a diferenza entre aurora boreal e aurora austral.  Tamén xogamos a crear as nosas pintando con xeo sobre papel continuo, ambientando a aula con música relaxante e imaxes coa temática. Por outra parte rematamos as nosas obras invernais sobre papel aluminio escribindo os nosos nomes e dándolle un título. Tamén colgamos as vidreiras de folerpas nas ventás, e xogamos a descubrir as palabras que se escondían no noso abecedario encriptado.  Continuamos a traballar coas letras móbiles de madeira, indicando a letra inicial de cada figura, o número de sílabas, compoñéndoa…  Ademais conmemoramos o Día da Paz, realizando o mural “O meu momento de paz”, lendo o conto “Nos tratamos bie...

Boas , familias! Durante o mes de xaneiro na aula de 3 anos levamos a cabo diversas actividades relacionadas co inverno e reforzamos conceptos aprendidos no primeiro trimestre. Estas son algunhas das propostas que realizamos: Practicamos diferentes trazos patinando sobre xeo e que nos axudaron a mellorar a motricidade fina, o control manual e a coordinación. Estampamos pintura azul con esponxas para deseñar paisaxes de inverno nos que somos os protagonistas. Decoramos bólas de neve que pronto decorarán a nosa porta da aula. Realizamos diversos xogos manipulativos de identificar o intruso que non pertence á estación do inverno, memorys, tarxetas de cálculo, linces para atopar as imaxes no taboleiro… Con todos estes xogos aprendemos moitísimo vocabulario da estación tan fría na que nos atopamos agora, á vez que fomentamos a atención e o razoamento lóxico. Coloreamos mandalas con motivos invernais, favorecendo a nosa concentración, ademais de observar as formas e patróns que o...

 Conmemoración do día da paz mediante ambientes de aprendizaje favorecendo a convivencia interclase e actividades que fomenten a paz e tranquilidade.